தவம் செய்வதால் கர்மாக்கள் போகுமா ?தவம் செய்து நமது ப்ராரப்தா , சஞ்சித கர்மங்களை போக்க முடியுமா..தவம் கர்மாக்களை அளிக்கும் அழிக்கும் அழிப்பான்களா?கர்மாக்கள் நம்மிடம் வெளிப்படுவது நோயாக, மனதிலே குழப்பமாக , வாழ்க்கைச் சிக்கல்களாக .இந்த மூன்றின் வெளிப்பாடாகத் தான் கர்மாவை நாம் அனுபவிக்கிறோம் .தவம் செய்து நமது கர்மாக்களை போக்குவதாக இருந்தால் மகான்கள் .நோய்களில் பாதிப்புக்கள் இல்லாமல்.இயற்கையான முறையில் அவர்களுடைய மரணம் நிகழ்ந்திருக்க வேண்டும்..ஆனால் இரமணர், விவேகானந்தர், ராமகிருஷ்ணர் இன்னும் பலர் நோயின் தாக்கத்தால் தான் இறந்திருக்கின்றார்கள் .ஆனால் தவத்தின் காரணமாக குழப்பமில்லாத மனநிலையில் வாழ்வதற்கும், சிக்கலை போக்கிக் கொள்வதற்கும்,நோயின் தாக்கத்தை துன்பமில்லாமல் அனுபவிக்கவும் முடியும். அதை தான் மகான்கள் செய்தார்கள்.பிராரப்தாவோ அல்லது சஞ்சித கர்மாவின் காரணமாக இராமணருக்கு புற்று நோய் வந்தது .இராமணருக்கு கையில் புற்று நோயின் தாக்கம் அதிகமான போது புற்றுக் கட்டியை அறுவை சிகிச்சை செய்து எடுக்க அவருக்கு மயக்க மருந்து (குளோரோபார்ம் ) கொடுக்க வேண்டும் என்று மருத்துவர்கள் சொன்ன போது ...."மயக்க மருந்து என்ன செய்யும் "என்று கேட்டாராம் இரமணர் ." அது உங்களை மயக்க முறைச் செய்யும் , இதனால் வலியை நீங்கள் உணர முடியாது . அப்போது நாங்கள் கட்டியை அறுவை சிகிச்சை செய்து எடுத்து விடுவோம் "என்று கூறினார்களாம்.அதற்கு இரமணர் "மனம் இருந்தால் தானே வலி தெரியும்" என்று கூறி மயக்க மருந்து கொடுக்காமலே கட்டி அகற்றப் பட்டது .இறக்கும் வரையில் மகான்களும் , ஞானிகளும் வலியை, நோயை துன்பமாக , அனுபவித்ததில்லை. எந்த ஒரு வாழ்க்கை சிக்கல்கள் வந்த போதும் அமைதியை மட்டுமே கடை பிடித்தனர்.தவம் வரும் துன்பங்களை ஏற்றுக் கொள்ளக் கூடிய மன வலிமையை கொடுக்கும் , மன பக்குவத்தை , விழிப்புணர்வை கொடுக்க கூடியது தவம் .செயலுக் கேற்ற விளைவு என்பது நிச்சயம் உண்டு .தவறான செயலை செய்துவிட்டு தவம் செய்தால் விளைவை அனுபவிக்காமல் இருக்க முடியுமா?நமது கர்மாக்களை நாம் அனுபவித்தே தான் ஆக வேண்டும் .
No comments:
Post a Comment