N O T A. VOTE

💥வாட்ஸ்–அப், பேஸ்புக், டுவிட்டரில் பரப்பப்படும் புரளிக்கு தேர்தல் அதிகாரி எச்சரிக்கை.:
தேர்தலில் நோட்டாவுக்கு 35 சதவீத ஓட்டு பதிவானால் அந்த தொகுதியில் கட்சிகளின் வெற்றி செல்லாதது ஆகிவிடும் என்று புரளி பரப்பப்படுவதற்கு தேர்தல் அதிகாரி எச்சரிக்கை விடுத்தார்.
🎯நோட்டா பற்றி...

தேர்தல் தொடர்பாக பேஸ்புக், டுவிட்டர், வாட்ஸ் ஆப் போன்ற பல்வேறு சமூக வலைதளங்களில் பல்வேறு கருத்துக்கள் பரப்பப்பட்டு வருகின்றன. இந்த நிலையில் நோட்டா சின்னம் குறித்து சமீபத்தில் சில தகவல்கள் வெளியிடப்பட்டன.

இதுபற்றி ராஜேஷ் லக்கானி வெளியிட்டுள்ள அறிக்கையில் கூறப்பட்டு இருப்பதாவது:–

எந்தக்கட்சிக்கும் ஓட்டுப்போட விருப்பம் இல்லாவிட்டால், நோட்டா சின்னத்தில் (யாருக்கும் வாக்களிக்க விரும்பவில்லை) வாக்களித்து விடுங்கள் என்ற தகவல் பரப்பப்படுகிறது.

மேலும், ‘‘நோட்டா என்பது சாதாரண விஷயம் அல்ல. அரசியலை சுத்தம் செய்யும் சின்னம் நோட்டா. எப்படி என்றால், நோட்டாவில் மட்டும் 35 சதவீத ஓட்டுகள் பதிவாகிவிட்டால் போதும். அந்தத் தேர்தலில் எந்தக் கட்சி பெற்ற வெற்றியும் செல்லாததாகிவிடும்.

அந்தத் தேர்தலில் போட்டியிட்ட எந்தக்கட்சியும் மீண்டும் போட்டி போட முடியாது. அதுமட்டுமல்லாமல், அவர்களின் வாரிசுகளும் அரசியலில் ஈடுபட முடியாது.

எனவே 6 மாத காலத்துக்கு ஜனாதிபதி ஆட்சி அமல்படுத்தப்பட்டுவிடும். அதன் பின்பு மீண்டும் தேர்தல் நடத்தப்பட்டு புதிய அரசியல்வாதிகள் தேர்ந்தெடுக்கப்படுவார்கள். இந்த வகையில் அரசியல் தூய்மையாகிவிடும். இந்த அரசியல் சட்டம் தெரியாமல் நாம் இருக்கிறோம். இதை மற்றவர்களுக்கும் தெரியப்படுத்துங்கள் – இப்படிக்கு உங்களில் ஒருவன்’’ என்ற ஒரு தகவல் பரப்பப்பட்டு வருகிறது.😡

கடும் நடவடிக்கை🚨

👺இது புரளி மட்டுமல்லா தவறான தகவலாகும். தேர்தல் தொடர்பாக மக்களின் கவனத்தை திசை திருப்பும் இதுபோன்ற புரளிகளை பரப்பினால் கடுமையான நடவடிக்கை எடுக்கப்படும்.💔  இவ்வாறு அதில் கூறப்பட்டுள்ளது.